كثر المواصل بالهوا ما هو بزين ....

كثر المواصل بالهوى ماهو بزين
ودك بخلك بين مدّه ومدّه

لأن ابن آدم ماترك طبعه الشين
لا حب له شي وشبع منه هدّه

لكن لامنّه جاك من حين لي حين
قدّرت جيّاته وقدّرت صدّه

فأن قلت أبيك وقال ماهوب هالحين
لاتبلشه يمكن ظروفه تحدّه

اصبر عليه ايّام وشهور وسنين
ان كانه يودك وكانك تودّه

وخلك لامنه اعطاك ماتطلبه دين
ما جاك منه اخذه وما رد ردّه

ولا تسوي مثل ناسٍ مساكين
اصلك وفصلك فالهوى لاتعدّه

الحب ما خلاّ قبيله ولا دين
نكس حكوماتٍ وكسّر اشدّه

جالوه عقآلٍـ(ن) وراحو مجانين
وكم واحدٍ(ن) خاضه ولا هو بقدّه

يقوله اللي جاحدٍ(ن) علّته لين
بارت محافيره وبيّح بسدّه

هذا كلام وأنت بتشوف بعدين
والله إن تميّز بين مزحه وجدّه...




للشاعر : عبدالله علوش

بارك الله فيك وحمدلله على السلامه يافهد

نقل موفق

تتمتع بذائقه جميله يابناخي لا تحرمنا منها

شاعر كبير عبدالله علوش صح لسانه



تعال كل يوم يافهد حياك



ارق التحاايا

[tabletext="width:70%;"]

يعطيكـ العافية أخي المحترم

إقتباس : المشاركة الأصلية كتبت بواسطة عبدالرحمن الحبيل [ مشاهدة المشاركة ] بارك الله فيك وحمدلله على السلامه يافهد

نقل موفق



الله يبارك بعمرك وجزاك الله خير على المرور الرائع يا عبدالرحمن واشكرك على المرور

إقتباس : المشاركة الأصلية كتبت بواسطة الـــزيـــر [ مشاهدة المشاركة ] تتمتع بذائقه جميله يابناخي لا تحرمنا منها

شاعر كبير عبدالله علوش صح لسانه



تعال كل يوم يافهد حياك



ارق التحاايا





لاهنت على هذا الاطراء يالزير واقدر لك مرورك الكبير يا كبير وبعدين انا كل يوم موجوود بس افتر وادوج بالمنتديات :biggrin23:

إقتباس : المشاركة الأصلية كتبت بواسطة اميرة الورد [ مشاهدة المشاركة ]

[tabletext="width:70%;"]

إقتباس : المشاركة الأصلية كتبت بواسطة الأناضول [ مشاهدة المشاركة ] يعطيكـ العافية أخي المحترم




يعافيك خيوو وحياااك الله