كنّي هبوب ولجل فرقاك هبّيت

السلام عليكم ,,
صباحكم / مساكم خير و طاعه




نــص للــشاعـر : سـامر الـحـربـي ,
اعــجبـني كــثيـرا فـأحبـبـت ان تـشاركـونـي روعـته ,,,


اتــركـكـم الآن ..

مدخل


شفت البحر لا ضاق صدره على الفلك ؟
نفسه شعوري لا جتك لحظة الضعف !


لا ضاق صدرك اعتبرني من اهلك !
تعال و فضفض لي عن همومك و شف !!

اصـيـر لـك مثل السحـابـه و أبـلّلـك
مع ان جوفي من ( مطر ضيقتك ) جف !؟


ما كان قصدي انّي بـ همّي اشغلك
بس حولنا اشياء بـ قمة السـخـف !!


الــمـجـتمـع و الــظلــم , و إنّي ما اوصلك
تـجبـرنــي اخـنـق معظم انـفاسي بـ : أووف !!

كنت أسقي بذور الأماني بـ( ياليت )
.................. مير البذور شْتآت .. والـ( ليت ) . جفّت !




هبّت ( عواصف واقعي ) وإستجنّيت
................. وشالت بذوري في كنفها .. وهفّت




واللي بقى خلف العواصف / تناهيت !
.................. ودمعه تخون العين .. والعين عفّت !

دمعه أبسجنها عن الناس وأزريت
.................. فكّ القيود رموشها يوم رفّت




تجتاحني / وأنا أحسب إني تشافيت
................ وأثر الجروح بضعف حالي تشفّت

كن الجروح أشباح تسكن جسد ميت
................ فيه السرور أرواح .. لكن توفّت




وأعظم جروح القلب من يوم ( جافيت )
................... اللي وفت بالحب والروح وفّت




جتني تقول [ القلب بارد ] وشبّيت :
................... عوج الضلوع إحساس حبّ وتدفّت !




ناسيّه ، لكن ( شفت بيته ) وهلّيت :
................... دمعي ، وذكراها على الرمش صفّت




ما كان طاح الدمع من شوفة البيت
.................... ][ لو بس طارة موتري عنه لفّت ][ !!




أذكر عذاب آخر لقى يوم صدّيت
................... ضمّيتها ضمّت موادع / وقفت




في وقتها مدري صحيح إستخفّيت ؟
................... وإلا عقول العاذلين ، إستخفّت ؟!




أمشي ، ولكن كلّ مارحت ، ما جيت
.................. خايف وفي كلّ الجهات أتلفت



يا صاحبي مشكور يوم أنت وفّيت ،،
..................... يومي شكيت وقلت دنياي كفّت




عزّ الله إنك في خيالي تساميت
.................... ولك صورتٍ في محجر العين ، غفّت




كنّي هبوب ولجل فرقاك هبّيت
.................. منها مزاج غصون الأشجار .. زفّت !




وأوراقك اللي صفّرت من ( تماديت )
.................. طاحت ، ومرّتها هبوبي وحفّت !




أبشرك من بعد صدّك تعافيت
.............. وحمولي اللي كانت ثقال .. خفّت




وأبشرك ناسيك لولاي لفّيت
............... وذكراك لولا ( شوف بيتك ) ، توفّت !




والموتر اللي جابني صوب هـ البيت
.................. الله يجازي طارته / ليه لفّت ؟!

مخرج



تعال ننفخ شمعة الـهــم داخـلـك !
تعال نعطي ( وجه الاحزان ) كـم كـف !!


و ان كـان جيـتك ذات ليلـه ابـسـألك ؟
عن حبل بعدك ! ليه على عنقي إلتف ؟


اضحك علي , و قلّـي : معقـولـه اقتـلك !؟
و أنا باضحك لك , و أقول : إيييه صــرّف !

يا ( حلم عمري ) و انت اقبحك اجملك !!
عن عرقلة ركـض الاحـاسـيـس بي ( خف )


و إن كان جيت من الـولـه ودّي آكـلـك !!
اصـرخ علي و قـلّي : ( احـبـك ) بـ عنف !

يسسَلمو.. فلسفـَسـ9 . . على إْلآبد111ع.
وتسلم إْنآمـَلَك. على الابداع. الرائع. .
اذا عني ( استمتعت بـ بالمدخل والمخرٍج ) وخذت من روعت .الشعر.. كم . بيت اعجبـَني.
[ المدخل ]
شفت البحر لا ضاق صدره على الفلك ؟
نفسه شعوري لا جتك لحظة الضعف !

{ المخرج }
تعال ننفخ شمعة الـهــم داخـلـك !
تعال نعطي ( وجه الاحزان ) كـم كـف !!


ولك مـَني جزيل اشكرٍ والتقدير... دمـَتي. بود. يالغلا..

..

نص جميل أعجبني اختيارك
شكراًلك ولجمال ذائقتك../
و
تقديري

أعجبني ماسطرت أنامل الشاعر وتذوقت مابين السطور.

فشكرا لذوق نقلك ودمتي بود.