يا حلم عمري

يا حــــلــم عــمـــري

بانساك لكن ، دام هالجـــــرح ماطـــــــــاب
بانساك وأرجع من ورى جرحي أذكــــــــرك
ماهو أمــــل ، لن الأمــــل داخلي خــــــاب
هــــذا مـــرار اليـــــاس فيني ..وأبشـــرك
ماتت بي الشــــــرهة ولا باقي عتـــــــاب
حتى المدامع تبتسم غصب ..تشكـــــرك
أرضيت بي ناسك وانا (زي) وش جــــــاب
انا خسرت الناس من شان مأ اخســــرك
هي غلطة اللي ماحسب للخطا حسـاب
وإلا انت يآبــــن آدم عسى الله يستـــرك
اللي يسلــــــــم راحته بيــــن الانيــــاب
ذنبــــه على جنبـــــــه ولو تفركه فــــرك
ياحلم عمري و أدري (الحــــلـــــم) كذاب
إلا انت ما ادري ليــه دايــــــم أفســــرك
مهما تخالف واقعي فيــــــــك وأرتــــــاب
يبقى جنوني يعتــــــذر لي ويعــــــذرك
أزريت اجاوب حيرتي و أخلق اسبــــــاب
أنكـــرتني وشلون أنــا ما اقدر أنكـــــرك
وخيـّرت قــلــب ٍ عن مماشيك ماتــــــاب
امــــــا يـــــوخـــر عنــــــك والا يوخــرك
وأثرك محبة تعتلي حـــــــد الإعجــــــاب
تضوي خفوقي لو عيوني تعــــــــــــذرك
النفس طابت .. لكن الجرح ماطـــــــاب
لو ماذكرتك .. يكفي الجرح يذكـــــــــرك

مماراق لي

ياحلم عمري و أدري (الحــــلـــــم) كذاب
إلا انت ما ادري ليــه دايــــــم أفســــرك


جميلة جدًا
كل الشكر لك اخوي محمد زعل ولجمال اختياراتك
تحياتي

انتقااااء جميل ورائع
سلمت يمنيك على النقل الجميل
دمت بهذا العطاااء الراقي
لروحك بااااقااات الياسمين

صديقي ابو لميس





نقل مميز من شخص مميز لاهنت يا الغالي


صديقك عزف

كل الشكر لك أختي دندنة الرحيل على مرورك

الله يسلمك ياأخوي

والأجمل مرورك

حياك الله يا عزف

ولاهنت يالغالي على مرورك