ماكذبت أمي عليّ .. يوم قالت ..

ماكذبت أمي عليّ .. يوم قالت ..



لاتنام إلا متوضي
وصل .. لله ركعتين
واقرالك لو آيتين
وارفع يديك وتضرع .. بالدعاء
يشرق النور بجبينك
ماتجيك أحلام توحش
وماتقوم الصبح
مهموم .. وحزين
ماكذبت أمي عليّ .. يوم قالت ..


لاتفرط في صلاتك
ولايغرك حب ذاتك
ولايبل الريق مسكر
حتى لو يبست لهاتك
إحرص .. تصلى جماعه
وكل ساعه
راقب الله في حياتك





ماكذبت أمي عليّ .. يوم قالت ..


لاتصير إنسان جارح
إضحك بوجه الجميع
عامل الناس بتسامح
لاتفرط في حقوقك
لاتجامل في النصائح
ولاتثور .. تصير فاضح
وإن لمست عيب صاحب
لاتنافق .. ولاتصارح
وإنتبه من هالنصيحه
لاتصير إنسان غامض
ولاتصير إنسان واضح



ماكذبت أمي عليّ .. يوم قالت ..


إحذر .. أولادك ومالك
لاتجافيهم وتقسى
ولاتبالغ في دلالك
ربهم بالخير .. تربح
وعلم النفس القناعه
وعلم القلب الشجاعه
ولاتغطي العين وتحلم
وتخدع الرآي بخيالك




ماكذبت أمي عليّ .. يوم قالت ..


إنتبه .. لاتبني دارك
قبل ماتختار جارك
وفكر بحق المجوره!!!
لايحس إنك ظلمته ..
وإلا إنك يوم خنّته ..
وإلا توذيه بصغارك ..



ماكذبت أمي عليّ .. يوم قالت ..

إن وعدتَ وعد .. فاصدق
إحذر تزل بلسانك
أو تقلل يوم شانك
عش عزيز النفس تسلم
حاجتك للناس .. علقم
لاتبين ضعف حالك
أو يغرك زود مالك
ولاتهين إنسان .. تندم


ماكذبت أمي عليّ .. يوم قالت ..




خلك إنسان بكرامه
لاتغرك هالأمور
المناصب
والقصور
فكَّر بيوم القيامه
فكَّر إنك ماأنت خالد
رحلة الدنيا قصيره
تلقى نفسك في سلامه


ماكذبت أمي عليّ .. يوم قالت ..


إحذر تصير البخيل
واحذر تبذر وتطّغى
واحذر تعيش بخساسه
أو ذليل
ولاتنام بيوم خالي
لاتنام بدون لاتفعل جميل
تلقى نفسك في معزه
تلقى روحك في شموخ
عش أصيل
ومت أصيل

ماكذبت أمي عليّ .. يوم قالت ..





كل ماسويتْ فيني
أو في أبوك
تبي تشوفه من عيالك
بر فينا تلقى بِرك
ياعسى الله لايضرك
والله الله
لاتلين بضعف تعصر
ولا تقسى بشر تكسر
إصحى .. وإحذر
زوجتك تشكى وتكدر
لاتدقق في خطاها
وإنتبه تكشف غطاها
تسعد بنعمة وفاها
وتلقى منها مايسرك
ماكذبت أمي عليّ .. يوم قالت ..



لاتمل هموم حملك
ولاتظن الناس مثلك
واصنع أمرك من يمينك
لاتدور من يعينك
بين ربعك .. ولاأهلك
لاتعامل باللي تكره
ولا تجارم وإلا تشره

يعطيك الف عافيــــــــه .. موضوووع في قمــــــــــــه الروووووعـــــــــــــــه ..

جميل ماقرات الشرقيه

بارك لله فيك وفي مجهودك الطيب

لاهنتي


تقبلي مروري

عزف الأمنيات

لاتصير إنسان جارح
إضحك بوجه الجميع
عامل الناس بتسامح
لاتفرط في حقوقك
لاتجامل في النصائح
ولاتثور .. تصير فاضح
وإن لمست عيب صاحب
لاتنافق .. ولاتصارح
وإنتبه من هالنصيحه
لاتصير إنسان غامض
ولاتصير إنسان واضح


انتقاء رائع
سلمت يّ الشرقية
ولاعدمنا جديدك