يــا رقيق المشــاعر ( قنبله بـ طعم السـكر ) ..

ملف صغيرون قد النتفه ههههه من مجموعه حلويات تجمع مابين حلا القهوه + حلا العشاء

فـ بسم الله ابدأ /

.:. كب كيك الاوريـــو .:.

فكرته حلوه لـ القهوه + حفلات

المقادير :

اي كيكه معتمده عندك + 6 قطع اوريو مفتته

انا استخدمت كيكه الزبادي .. سهله وسريعه والاهم انها هشه ~

3 بيضات
علبه زبادي
بـ مقاس علبه الزبادي سكر
بـ مقاس علبه الزبادي زيت
2 ملعقه صغيره بيكنج باودر
1 ملعقه صغيره فانيليا

تخلط جميعاً

ويضاف لها بـ مقاس علبه الزبادي + نص دقيق منخول

بعد الخلط يكون قوامها مثل خليط الكيك اضيفي لها حبات الاوريو المكسره ..

وصبيها بـ قوالب الكب واخبزيها عادي 180ْ درجه لـ مده 35 - 40 دقيقه ..

التزيين :

بـ كريمه وانصاف اوريو

توفي + اوريو مطحون

ولكِ خيارات مفتوحه في التزيين ..

.:.:.

.:. قوالب التمر الهشــــه .:.

لذيذه مع القهوه .. وافضلها دافيه ..

المقادير

العجينه :

كوب دقيق
اصبع زبده بـ حراره الغرفه
1 ملعقه كبيره سكر

الحشوه :

تمر انصاف
ملعقه قرفه
بيضه
ربع كاس سكر
حبه كيري
رشه فانيليا

تعجن مقادير العجينه وتكور بـ حجم الزيتونه وتضاف لـ صينيه الكب كيك الصغير ..

تفرغ لاضافه الحشوه ..

في كل قالب اضيفي نصف تمر .. وباقي المقادير اخلطيها بـ الخلاط وبـ مقدار ملعقه اضيفي على كل تمر ..

وتتدخل الفرن ساخن مسبقاً .. لمده 10 دقايق من فوق وتحت ..

انتبهي لها ترا ما تاخذ وقت وبسرعه تنضج وتحمــر ..

قدميها بـ طريقتك ..

التزيين :

سكر بودره ..

لكِ حرية اختيار الحشوات .. وانتي وفنك .. =)

كيكه بـ طعم الايس كريم

حلوه وخصوصاً بعد العشاء ..

المقادير :

كيكه بيتي كروكر خليط الشوكولاته

تخبزيها على حسب الصينيه وبـ نفس المقادير الموجوده خلف العلبه ..

الحشوه والتزيين :

علبه قشطه

6 حبات كيري

ظرف كريم كراميل

حليب مركز ابو قوس ( تبع الشاهي )

تخلط وتسقى الكيكه وهي ساخنه .. عشان تتشرب الصوص ..

ثم تبرد بـ الثلاجه على الاقل 4 - 6 ساعات

احفظي من الصوص بـ مقدار بياله شاهي .. ووقت التقديم ارجعي اخلطيه بالخلاط و صبيه على الوجه

وحطي فليك وصوص هيرشي وتوفي ..

ولكِ حرية اختيار الصينيه او طريقه التزيين ..

.:.:.

كرات الـ باتشي ~

حلا قهوه سهل ويواجه ~

المقادير :

كأس شوفان كويكر

كأس جوز هند

كأس حليب بودره

وممكن تقللين كميه اي كأس من الـ 3 وتضيفين له سميد ..

المهم بالاخير نبي 3 اكواب فقط ..

حليب نستله الكبير

التغطيه :

شوكولا خام ابيض + اسود

اوريو مطحون

فليك مبثوث

جوز هند

واي نكهه تحبينها ..

الطريقه :

نحمس الـ 3 اكواب على النار الين تكتسب لون ذهبي

ونفرغ عليها علبه النستله كامله ( يعني نزلوا اللي بالعلبه بالملعقه نبي كل قطره ههههههه )

واخلطوها راح تحصلون على عجينه ..

كوريها كور وحاولي تكون بـ مقاس واحد ..

خليها بـ الفروزن شوي الين تتماسك ..

بعدين غطيها بـ الشوكولا الذابيه

وزينها ..

نصيحه للاخ اوريو خخخخ :

قلبيه بالاوريو المطحون والشوكولا باقي سايحه .. وعقبها دخليه الثلاجه ..

قدميه بـ اكواب البلاسيه ..

مراعاة لـ ضيوفي انا اشتغلت على اعواد الخشب وزينتهم بـ نفس لون المجلس اورنج وذهبي ..

وصار اريح لهم وقت التقديم ..
واخيـــراً

الـ مولتن كيك ..

فكرته مسروقه من المطعم ( تشيليز )

نفس الطعم ونفس النتيجه ~

في البدايه احب انوهه لـ شغله ..

طبقته مرتين مره بـ كيكه بيتي كروكر

ومره بـ كيكه الثلاثينيه
المقادير :

كيك شوكولاته معتمد جاهز او بـ طريقتك ..

قالب الكيك ( نسيت اصوره بس شوفوا كيكتي كيف شكلها وتعرفون القالب )

صوص شوكولا

( شوكولا خام او حبيبات الهيرشي + نص علبه قشطه + ربع اصبع زبده + قليل من صوص هيرشي شكولاته )

ايس كريم نكهه الفانيليا

الطريقه :

اخبزي الكيكه بـ القالب ..

الشرح متعب بس احاول اوصل الفكره لكم ..

شيلي قطعه الكيكه اللي بالصوره عشان نصب الصوص بـ داخلها

بعدين رجعي القطعه مكانها .. احب انبهه على شغله .. شغلك كله يكون عـ السريع لان حلاوة الكيك يقدم ساخن جداً

اضيفي ملعقه الايس كريم ..

وزيني الطبق بـ باقي الصوص ..

قدميه عالسريع لان حراره الكيك والصوص بـ تحوس لك الايس هههههه

وتمتعي بـ الذ وصفه منزليه تضاهي المطاعم العالميه

في الختام احب اشكر حماسكم للموضوع ~

وان شاء الله اكون عند حسن ظنكم ..
م\ن
:wrd:
الله الله بالتقيم عاد:19:

يم يم تسلم يديك ع هالحلى بجي أتقهوى عندك هههههههههههه


لك خالص ودي فلسفة

المشاركة الأصلية كتبت بواسطة ملاك

يم يم تسلم يديك ع هالحلى بجي أتقهوى عندك هههههههههههه


لك خالص ودي فلسفة

يا هلابك ملاك اتشرف غلاتي يالله حياك:35: لاهنتي ع المرور