سجل حضورك باسم شاعرك المفضل

على ما اعتقد مثل ما يقولون: الموضوع واضح من عنوانه
يعني ما يحتاج اشرح

كل عضو يدخل هذا الموضوع
يكتب شاعره المفضل واللي يحب يقرأ له مع ابيات له اذايحفظ

عاد انا عندي الشعراء واجد
بس خلف المشعان يعجبني بأفكاره


الدين .. أمرك .. تقاطع الكفار .. قبل الدينامرك
..................... وشلون ترجي من كفر بالله ...... يفكر بالنبي

تبي اتّثارى للنبي .. لازم يكون أبعد نـظرك
....................... قبل اقتنع باللي تبي .. يلزمني افهم وشتبي

لو شلت ضرس المبتدا تبقى عروقه في خبرك
...................... ليه المراوغ والدجل .. ياريشة الصدق اكتبي

ماكانت امريكا .. قبل شهرين تنذر من خطرك ؟؟
.................. والا انت تطلع صحوتك .. فجأه .. وفجأه تختبي

تفتح بصرك بمسألة .. وبمسألة تعمي بصرك
.................. بعض الحقايق موجعه .. ياريشة الصدق اسهبي

جبن البقر لو ينقطع تكسر لك ( الكيري ) ظهرك
.............. يُرفع سهم ( هيفا ) .. إذا طاحت ( رزان المغربي )

بلاش ندخل في جدل .. ليه تخسرني واخسرك
.................. من يغضب الله مادرى عنك .. وعن نار غضبي

قوم يعبدون البقر ، وشعارهم .. دلل بقرك
................... راحت دراهمنا بهم .. ياحسرتي راحت سبي

يالله لا تغفر خطا .. عبدٍ رزقته .. ماشكرك
..................... من يحسب الله يهمله يوم امهله .. فعلا غبي

يامسلم اصح لمكرهم .. وافعل كما ربك أمرك
....................... وشعاد باقي ننتظر .. بعد الإساءة .. للنبي

الـحزن فـي صـونك ازعـج iiساكني"
" لـين صار الكون من حولي iiحزين
غـصب عـني حـزن صوتك هاجني"
" لـيـن خـلَّـى عـاصي الـمعنى iiيـلين
وامـتـثل حــرف الـقصيد iiوعـادني"
" وانسكب حزنك على شِعري حنين
شِـلت أنـا صـوتك وحـزنك iiشـالني"
" أكْـتـم الـصـرخه ويـنـساب iiالأنـين
شِـفت حـزنك كـيف حـزنك iiشـافني"
" كـيف داهـم خـلوتي فـي iiلـحظتين
طـيـر أنــا مـثـلك زمـانـي iiضـامني"
" جـرّحـتني مـثـلك سـيوف iiالـسنين
صـابـك الـلـى مــن زمــانٍ صـابني"
" فـي مـعاليق الـحشا جـرحه iiدفـين
الــفـرح عــقـب الـصـداقه iiهـابـني"
" خـافت الـبسمه عـلى وجهي iiتبين
طـير يـا اللّي صوت حْزنك هاضني"
" الله الــلــي يـنـتـصـر لـلـصـابـرين
***********************
اون وريـــــــاح الــلــيـالـي تـــونِـــي"
" والـبرد فـي جـوفي كـما الغار خاوي
مــاكـن لـــي عــقـل ولا قـلـب كـنـي ii"
" جــذعٍ وقـف فـي وجـه الأيـام iiذاوي
وبـــي عــبـرة مـحـبـوسةٍ iiتـمـتـحني"
" وفي عيني وحلقي وصدري شكاوي
إن قـلـت زانــت خـالـف الـوقت iiظـني"
" وإن قـلـت هـانـت عـاجـلتني بــلاوي
أجـــامـــل ايـــامـــي ولا iiجــامــلـنـي"
" هـامـت بــي الـدنـيا هـيـام الـخـلاوي
الــوقــت جــايـر والـلّـيـال اسـهـرنـي"
" والـحـزن مـا بـين الـضلوع iiمـتلاوي
أون وكــــلٍ يــحـسـب انــــي اغــنـي"
" عـلـيل وكــلٍ يـحـسب انــي مــداوي


بدون مناااااااافس أميري/ خالد الفيصل (دايــــــــــم الســـــيف )

شكرا على طرحك الموضوع الرااائع

بسم الله الرحمن الرحيم
السلام عليكم ورحمة الله وبركاته
الشاعر / خلف المشعان العنزي
وهذا أحد لقائاته المشهوره مع قصيدته عرفة وجيه


من هو خلف المشعان ...؟ولد من يعتزى فيه ويحل وينقض المفتول
.. // أنا منهو على درب المراجل يسحبه خاله

وماهي نظرة خلف المشعان للشعر ...؟
لا انظر للشعر كما ينظر اليه الاخرون .. مع احترامي لجميع من يكتب الشعر فأنا ارى هذا الشعر ليس إلا ( معجون صلصال ) اشكله كيفما شئت .

وما تقييم خلف لنفسه من الشعراء ...؟لست شاعرا حقيقيا كما يعتقد الكثير فالشاعر الحقيقي على الأقل تراه يحتفظ بقصائده ..
ادخل بيتي واتحداك لو وجدت قصاصة شعر .


هل تطمح أن تأتيك الفرصة لتكون شاعرا غنائيا ؟جاءت الفرصه .. وكتبت شعراً غنائيا .. ونجحت العديد من الأغاني لكنني رفضت أن تسجل باسم خلف المشعان لأنها ليست من الشعر في شيئ .

لماذا لم تنشر قصائدك بالصحف ...؟هل تعلم اني نشرت نصين وانسحبت .. خوفا من عواقب الضوء .. !!

والتي تبدأ بالبحث عن سقطات الشاعر وتنتهي بالسب والشتم والتعرض لشخصه .. ؟؟


ماذا تعرف عن الرجال ...؟الرجال كالسيوف تماماً ... نقول له كيف وضح لنا ... يقول .. فكما أن الرجال معادن
أيضاً السيوف معادن .. فنجد رجلاً معدنه أصلي يحمل سيفاً معدنه أصلي ..
و نجد رجلاً معدنه مقلد يحمل سيفاً مقلداً .. و نجد رجلاً من ورق يحمل سيفاً من ورق
فالأوراق لا تدوم أبداً و الرجال الورقيون لا يدومون و سيوفهم لا تدوم بل تتلاشى مع أول طعنة ورقية ..!!


كيف تكتب قصيده .....؟يستغرق الشعراء اياما وليالي في كتابة قصيدة جديده ثم شهورا من التدقيق والتفحص لنشرها
بينما تنتهي وتنشر قصيدة خلف المشعان في الربع الأخير من الساعه التي يقضيها في مقهى انترنت
فهو غير مستعد لدفع 10 ريال أخرى ..

مارأي .. الشاعر .. خلف المشعان .. في قصائد المدح .......؟ غرض من أجمل أغراض الشعر .. حينما يكون لغير غرض ..!!



عرفة وجيه!!



ياكثرهم .. لا قلت لك .. عرفة وجيه
وياقلـهـم .. لا قـلـت .. قــدر ومـعـزه
:
رجـلٍ .. تعـزه بعـد ماتلتـقـي .. فـيـه
ورجـلٍ .. قبـل ماتلتقـي بـه .. تـعـزه
:
ورجـلٍ .. تـرزه بالمجـالـس مبـاديـه
ورجـلٍ .. فلوسـه بالمجـالـس تــرزه
:
ورجلٍ .. يموت ولا يجيبـون طاريـه
ورجل ٍ .. يجي طاريـه فـي كـل حـزه
:
ورجلٍ يهزه .. بعض موقف ويشقيه
. ورجلٍ .. مهوب أيّات موقف يهـزه
:
ورجلٍ .. ضعيف .. ويستفزه معاديه
ورجـلٍ .. كـلام اعـداه .. مايستـفـزه
:
ورجلٍ .. تلزه يعترف لـك .. بخافيـه
ورجـلٍ .. علـى خافيـه .. محـدٍ يلـزه
:
ورجلٍ .. يوزونه .. ويزعـل بنيخيـه
ورجلٍ .. يزعّـل مـن يحـاول ، يـوزه
:
ورجلٍ .. تكـزه لا زم انـك .. توصيـه
ورجـلٍ .. بلـيّـا مــا توصـيـه .. كــزه
:
من لا فرش .. للمرجلـه .. ماتغطيـه
ومن لايخز .. النـاس .. محـدٍ يخـزه
:
ان كنت تعرفني فهي .. عرفة وجيه
مو شرط لك بالقلب قدر .. ومعـزه


أخووكم / أسيررر عيوونك ....

القصيدة المفضلة لديي للشاعر الكبير محمد الأحمد السديري رحمه الله


يقول من عـدى علـى راس عالـي=رجم طويـل يدهلـه كـل جرنـاس
في راس مرجـوم عسيـر المنالـي=يشتاق له منـدك بالقلـب هوجـاس
قعـدت فـي راسـه وحيـد لحالي=والقلب في لجـات الافكـار غطـاس
وقعـت اعـد ابامـهـا والليـالـي=دنيا تقلب مـا عرفنـا لهـا قيـاس
دنيـا تفـرق بيـن غالـي وغالـي=لو شفت منها ربح يرجـع للافـلاس
يا ما هفا بـه مـن رجـال مدالـي=ما كنهم ركبوا على قـب الافـراس
ولا رددوا صـم الرمـك للتـوالـي=ولا ثار عج الخيل في كـل مـرواس
ولا قلطوهـن للكمـيـن المـوالـي=ولا صار فوق ظهورهن شلع الانفاس
في حومـة الهيجـا لهـن اجتوالـي=كل يبى من زايـة الفعـل نومـاس
من بينهـم عـود الجنـا والسلالـي=مثـل البـروق اللـيـل الادمــاس
اقطعك دنيـا مـا لهـا أول وتالـي=لو اضحكت تبكى وتوريك الاتعـاس
يا ابجاد شب النار وادنـى الدلالـي=واكسر لنا يا ابجاد ما يقعـد الـراس
فنجـال يغـدي مـا تصـور ببالـي=وروابع تضرب بها اخماس وأسداس
لعـل قصـر مـا يجيبـه اظـلالـي=ينهد مـن عالـي مبانيـه للسـاس
لى صار مـا هـو مدهـل للرجالـي=وملجأ لمن هو يشكى الظيم والبـاس
بحسناك ما منشى حقـوق الخيالـي=يا خالق اجنـاس ومفنـى اجنـاس
تجعـل مقـره دارس العهـد بالـي=صحصاح دو خالي ما بـه أو نـاس
لا خـاب ظنـى بالرفيـج الموالـي=مالك مشاريه علـى باقـي النـاس
وإن ناشنى من بعض الادنين صالي=ماني عن الـزلات مخبـر وبـلاس
كالعنبـر الغالـي بالأسـواق غالـي=ولا درهم الفضية على صفر ونحاس
اجزيـة بالصـده جنـوب وشمالـي=واتلي هوى قلبي اليا هـب نسنـاس
المستريح اللي مـن العقـل خالـي=ما هو ولجات الهواجيـس غطـاس
ما هـو بمثلـى مشكلاتـه اجلالـي=عجزت اسجلهـى بحبـر وقرطـاس
حملي ثقيل وشلـت حملـي لحالـي=ونصبر على ضيم الليالى والاتعـاس
برسي كما ترسي عوالـي الجبالـي=ما ينهزع حيـد عليـه القـدم داس
متـى تربـع دارنــا والمفـالـي=تخضر افياضه عقب ما هي بيبـاس
ونشـوف فيـه الديدحـان متوالـي=مثل الرعاف بخصر مدقوق الالعـاس
ينثر على البيـداء سـواة الزوالـي=يشرق حمارة شرقة الصبغ بالكـاس

الاخ عيوني حزينه
وش خليت خالد الفيصل شاعر قصائده تحكي عنه
إن قـلـت زانــت خـالـف الـوقت iiظـني"
" وإن قـلـت هـانـت عـاجـلتني بــلاوي
أجـــامـــل ايـــامـــي ولا iiجــامــلـنـي"
" هـامـت بــي الـدنـيا هـيـام الـخـلاوي
الــوقــت جــايـر والـلّـيـال اسـهـرنـي"
" والـحـزن مـا بـين الـضلوع iiمـتلاوي
أون وكــــلٍ يــحـسـب انــــي اغــنـي"
" عـلـيل وكــلٍ يـحـسب انــي مــداوي
قليلون الذين يبدعون ومنهم خالد الفيصل
اسييييييييييير عيونك شكل الذوق واحد انا وياك سيم سيم
عز السلاطين
السديري امير الشعراء
ياليت ربي ماخلق حب وفراق ولا خلق حبن على غير فرقى



عيوني حزينه
اسير عيونك
عز السلاطين
شاكرلكم على مروركم

طبعاااا وبدون تردد


الشاعر/ محمد ابن فطيس المري


(( الضيقه ))




الضيقه اللـي دايمـاً تالـي عصيـر

وش حيلتـي واردّهــا لا تجيـنـي

لاطال ظل العود حزة عشـى الطيـر

كنها على سجـن الحديـد تحدينـي



يضيق صدري كل ما جـت واسيـر

ولا يخفـف سـوج رجلـي حنينـي

لاحولنـا مشـراف ولا اقـدر اطيـر

يالله قسـمـة خـيـر لا تبتليـنـي



وعقارب الساعه توقف عن السيـر

ولاكن في الدوحه سواتـي حزينـي

والعبره اللي تاصل الحلـق وتحيـر

ياقربها لـو قيـل لـي ( ياعوينـي)



امل شـوف النـاس وردّ ومصاديـر

واللي يقول اشفيـك كنْـه يهجينـي

يعني على ماقيل من بـاب تصويـر

( لحد ٍ ابي قربه ولا احـد ٍ يبينـي)



اروح ادوّر( خط) ما بـه( دواويـر)

وادوّر الـلـي هـادهـا تهديـنـي

واخذ مع الهاجـوس سجـه وتفكيـر

واراجع اللـي فـات بينـي وبينـي



واحسّـب ذنوبـي وادوّر لتكفـيـر

وعسـاي ماقصـرت فـي والدينـي

وعساي ماقارنت مـن ينفـخ الكيـر

واللي يحمل المسـك جعلـه قرينـي



ويطري علي يوم الحشر واطلب مجير

ما اعطى كتابي في شقيقـة يمينـي

ويطري على صدقان كثـر الدنانيـر

اللـي تعادينـي الـى كثـر ديـنـي



وراع الهروج اللي سوات المناشيـر

اصـد عنـه وادري انـه يعنيـنـي

الله حسيبه يـوم عـرض القواريـر

والله حسبي مـن صـواب ٍ مكينـي



والى طرالـي واحـد ٍ كانـه صغيـر

امـا اصغـر بيوميـن ولا سنينـي

دريت وش قومـي وعينـت تفسيـر

للضيقه اللـي مـن زمـن تعترينـي



حبه بصدري سالفة سـر فـي بيـر

وكـن الفـواد يقـول هـذا زبينـي

اشفق على علم ٍ يجي منه من غيـر

مايسمع اللي سولفـوا بـه ونينـي



العام اجيهم مـن حسـاب المساييـر

واليوم حـال عـداي وينـه ووينـي

ياكثرهم غيـره ولكـن خبـر خيـر

ماغير شوفه فـي الوجـود يهنينـي



رايـي كـذا ياعاشقيـن الغنـاديـر

ماله على وجـه البسيطـه وزينـي

خطاي تعليق الامـل فـي المدابيـر

إليـن راح وشفـت حقـري بعينـي



صبر جميـل وخابـر انهـا مقاديـر

والله على تخفيـف حزنـي عوينـي

ذي حالتي لين اتغبا الشمس واصيـر

معطى صراحي عقب ما انا سجينـي



والى امتلا جوف الشجر بالعصافيـر

طلبـت مـن رب العبـاد يهديـنـي

يعتقني المذن عقب ضيقـة عصيـر

اللي على سجـن الفـراق تحدينـي



الود طبعي

الشعر العامي . . مطلق النومسي

اما العربيه الفصحى . . فيعجبني د\عبدالرحمن العشماوي .

تقبلو تحيتي . .

الود طبعي
مالك الا الصبر وش وداك له
شاعر فحل ابن فطيس
اخوي القمر المظلوم
مايحتاج مطلق شاعر ابيات قويه

نورتوووووووووووووووووووووووووووووووووووووووووو

الشاعر الشيخ/ مشعان بن هذال (شيخ مشايخ عنزه)
وتكفي له هذه الأبيات..........

يا بايع(ن) جوخ على غير اهاليه..........مثل الذي ساكن بقصر(ن) خرابه
لو يــدهجه وبل الثـريا ويسقــيه..........ويمطر بياقوت ومسك(ن) سحابه
مايـنبــت النــوار لو ســال واديه..........صبخا وجفجافــــن هيـــارن جنــابه
ولد الردي لو طابلك لا تخـــاويه..........يوميـــن والثالـــث يــبين الردى بـه

انا اشهد انه شاااعر ومن فحول الشعر في ذااك العصر