القلوب البيض.. جداً نادره!‎

دارت الدنيا وتبيني [أعذرك] !
نامت عيوني وعينك ساهره

إنت لي ماضي ومابي ..أذكرك
و الغلط وياك ... ماني مكرره

قلت لك إحذر غرورك يكسرك
ومن يحبّك واجب إنت تقَدّره

قبل لا تفكّر تهاجر بـ أهجرك
وعدّني غيمة حنان .. مهاجره

مثل ماجَمّعتك أقدر [أ ن ث ر ك]
يعني راسك لو رفعته أكسره

كنت لك مثل المواني أنطرك
لين طاحت من عيوني الباخره

لا تظن أبكي عليك وأخسرك
إللي مثلك (لازم) إني أخسره

يا القليل الباقي طاحوا أكثرك !
في بحر -دمع العيون- الطاهره

أبقى أكبر شخص مر بـ ناظرك
وتبقى أصغر من نويت أكبّره

في فراقك ماحزنت آآبشرك:
وكانت الفرحه معاك مسافره!

كيف ألوّح لك وأجبُر خاطرك
وإنت إحساسي مكسّر خاطره

أشكر أعدائي كثير وأشكرك
من سبايبكم.. فقدت الذاكره..

دارت الدنيا وتبيني [أذكرك] !!
شفت منّك خير لأجل أتذكره ؟

إكتب الشطر الأخير بـ دفترك
القلوب البيض.. جداً نادره!



راقت لي



عـــــزف

صح لسااااانك ولاهنت على الابيات الرائعه الله يعطيك الع ـــــــافيه دمت بخير

نـــــوف

صح بدنك

لاهنتي على المرور


عـــــزف

انا اختلف معك اخي الكريم القلوب البيضاء ليست نادرة
وتقبل مروري مع خالص ودي

بيض الله وجهك اخوي عزف وكل عام وانت بخير,,,,

الغالي عـــلـــي


مشكور على المرور لاهنت

عزف

إكتب الشطر الأخير بـ دفترك
القلوب البيض.. جداً نادره!

القلوب البيض كثر في مجتمعنا
لكن بعض القلوب تأثرت من عوامل كثيرة جداً
كما تتأثر الصخرة الصماء بعوامل الرياح القاسية عبر فصول السنة
فهل من سياج يحمي تلك القلوب ؟
وهل من يدٍ حانيةٍ رقيقة تمسح تلك الآثار حتى تعود لبياضها ورونقها وتهدأ دقاتها المتسارعة.؟
ماراق لك راق لنا اخي الحبيب عزف الامنيات وكل عام وانت وجميع أعضاء هذا السرح المبارك بخير .

الغالي جـــزاء

مشكور على المرور لاهنت

عزف

الغالي
لدموع اسرار

شكرآ لمرورك الكريم

ولله يعطيك العافيه على ماكتبت

وانت بخير وسلامه


عزف

حروف سطرت من مشأآعر جيـآشهـ ,, وأحـآسيس كبيرهـ ..

أنتظر جديدكـ بـ شغف

صح قلبك .. ونبضكـ ونقلكـ ..