اهداااااء من سلطان الزين لمن يستحقهااا..!

بغيت اخفي ضقيت الصدر وزريت
اعيش مع نفس ماهي مستريحة

لاعاب ساس الدار لاتامن البيت
ياساكنة لاتامنه من مطيحة

حذفت نفسي حذفت ما تساويت
طيحت غلط ما عقبها صار طيحة

سويت طيب ولاعرف وش سويت
بين الجحود وبين شين القريحة

عز الله في بعض مدحي اخطيت
مدحت مالي يستحق المديحة

مدحت ناس لا مروة ولا صيت
والمدح في غير النشامى فضيحة

ياليت ما قلت التماثيل ياليت
ماقلت بالمتردية والنطيحة

استغفر الله يالعفوش الكرابيت
مداحكم قولوا عسى الله يبيحه

من يمدح المسكين والخبل والهيت
عز الله انه ضايع في صحيحه

الله ولا شوف العفون المشاميت
غبر الوجيه اهل النفوس القبيحه

ناس تفجر بالردى كالدناميت
ولا على فعل المكارم شحيحة

والله لاعد الحي منهم كما الميت
ورمي وراهم كل يوم صفيحة


هذه القصيده هي آآآآآخر مشاركه لي في هــــــــــــــــــذا المنتدى
وهي هــــــــــــــــــــديه منّي لمن يستحقّها ولا كراامه له..

افا يا خوي سلطان الزين ليه اخر مشاركه

عسى ماشر لاتحرمنا من ابداعاتك وانا اختك

تقبل مروري وخااااااااااااالص احترامي

ولاتقطع المنتدى اشكرك

اخي سلطان لا بد من التروي وانا استغرب منك هذا الكلام وانت شخص لك ثقلك ووزنك عندنا