المسلم الوحيد في العالم

المسلم الوحيد في العالم


أبو صالح و أبو راشد قاعدين يطالعون الأخبار في بلدتهم ( في بريدة القصيم بالسعودية

أبو راشد - وش قاعد تفكر فيه يا بو صالح؟

أبو صالح - أفكر بهالدين العظيم اللي انتشر من عندنا الى أقصى ما بالارض. ناظر هالمسلمين الصينيين والهنود والامريكيين ووووو وين هم اخر الدنيا.

- و الله أنك صادق يا أبو صالح.

- بس ترى هذول ما يعرفون من الدين الا القشور. طبايعهم زي الأجانب، بس يصلون. المسلمين الصدق هم العرب اللي يفهمون القرآن و الأحاديث.

و الله أنك صادق يا أبو صالح.

- و بعد ترى موب كل العرب مسلمين صحيحين. عندك بعضهم اللله لا ياثمنا و الله حتى ما يصلون صلاة ربي. ان بغيت المسلمين الصدق تراهم أهل الجزيرة و الخليج.

- و الله أنك صادق يا أبو صالح.

- و موب بعد كل الخليج. ترى كل دولة عندها بعض الاشياء الله لاياثمنا ، الدين الصدق هو ديننا حنا يا أهل السعودية.

- و الله أنك صادق يا أبو صالح.

- بس عندك بعد بعض المناطق حريمهم ما يغطون وجيهم، والبعض رجالهم وحريمهم يشيشون، . و أهل بعض المناطق مثلك خابر عندهم بدع واجد. الدين الصدق موجود هنيه عندنا في الوسطى و القصيم.

- و الله أنك صادق يا أبو صالح.

- بس ترى عندك هنا في الوسطى واجد الي يتتنون (يدخنون) و يسمعون موسيقى و العياذ بالله. الدين الصدق هنيه ببريدة.

- و الله أنك صادق يا أبو صالح.

- بس بعد بريدة موب كل حارة زي الثانية، ترى بعضهم في بريدة مركبين دشوش و يشوفون بعض القنوات والمسلسلات . ما فيه مثل حارتنا مافيه و لا دش واحد.

- و الله أنك صادق يا أبو صالح.

- بس الله يهديهم جيراننا موب دايم تشوف عيالهم في المسجد، و لا تشوفهم دايم في صلاة الفجر. الصراحة يا بو راشد ما فيه في الحارة يصلون الفجر دايم في المسجد الا أنا و انت.

- و الله أنك صادق يا أبو صالح.

بس أشوفك يا بو راشد هالأيام ما تخشع زين في صلاة الفجر!!!


ما راق لي وان شاء الله تعجبكم

كل الود للجميع
ابومشاري

يعطيك العافيه ابو جنيب
وراق لي انا ايضاً

بوركت اخي العزيز ابو جنيب

هنا مربط الفرس ( لوجود من يقهرهم اهل بريدة ولا يودون لهم ريحه لأنهم شوكة في حلوقهم)
- بس ترى عندك هنا في الوسطى واجد الي يتتنون (يدخنون) و يسمعون موسيقى و العياذ بالله. الدين الصدق هنيه ببريدة.

عبد الناصر----- انسان

زاد النور بتواجدكما الكريم

كل الود والاحترام

راقت لي كثيراً
يعطيك العافيه

عافاك الله بومشاري

ودربالك من أهل بريدة

الدانة ----ابونواف

كل الغلا والتقدير اشكر التواجد الكريم

وكل الغلا لاهل بريدة والقصيم ولكن كانت النكتة على سبيل المثال

مشكوووووور والله يعطيك الف عافيه

يعطيك العافيه

الله المستعان
أهل بريده الاولين راحوا.