كن الحزن صندوق والقلب له مفتاح

البارحه ياصـاح مانـي بمرتـاح
القلب عيـا يهتنـي فـي منامـه


افكار عقلي بين مسرى ومسـراح
سريتها من جنوبه لا لشماله



ذكرت شي ٍ راح لكنـه مـا راح
ذكرت ابوي اللي عـدو الرخامـه



كن الحزن صندوق والقلب مفتـاح
في ذمتي انه وسط قلبـي علامـه



الشايب اللي صرت فيديه مسبـاح
اضيـع مـن سبابتـه لا ابهامـه



اشوف زوله في دجى الليل مصباح
والليل عقبه ينتهـي مـع ظلامـه



الله واكبـر كلمتـه ليـن ماطـاح
تشهد صلاته له ويشهـد صيامـه



موته خساره ماتعـوض بالاربـاح
ماعقبه الا اهل الحكـي والملامـه



عشرين عام ٍ تحت اياديه مرتـاح
امشي على شـوره واردد كلامـه



روٌح وخلاني وانا احسبه مـزاح
رحمـاك ياربـي نهـار القيامـه



شايب ورباني على درب الاصلاح
للديـن ديـن وللشهامـه شهامـه



ارحب وديوانه ونجره الي صـاح
واحلا القصيد وهيبتـه واحترامـه



من دون ربعك يايبه درع واسلاح
اسمك لهم يابـوي عـز وكرامـه


ابكي على اللي للمجاريح جـراح
اعالج اهمومـي ولـو بابتسامـه



مامر حزن الا تباريـه الافـراح
وماطال قصـر الا يعـود هدامـه



ياجعل حظي يرتفع مثـل وضٌـاح
حر ٍ يداعبـه السحـاب وغمامـه



ترى الولد مثل ازرق العود فـواح
طيبه على خاله وابـوه وعمامـه



مير آتحرى الطيب ماهـو تمـداح
اراقب العليـا علـى كـل هامـه



ابوي راح وذكره اليـوم مـاراح
جعله مع الابـرار يـوم القيامـه





منقول

نقل موفق

شكرا لكــ أختي

مشكور عالمرور الله يحفظك

اختيار رائع

شكرا أمل

وفقك الله ....

اخ ـتيار مميز
كل الشكر غاليتي امل
وبإنتظار جديد كـ
مودتي

أكثر من رائع ,,

موفقه ,,

رائعة انتي امووووووووول

طبعا أنا مسكته بالشعر = بررى


كل الشكر لمروركم

كل الشكر على الاختيار الموفق