والمطوع لو يشوف خديـد سـاره

للشاعر ــ محمد ابن فهاد القحطاني المعروف بــ ابن حصيص

هيّض ابن حصيص في تالي نهاره=ألف قاف ٍ في ضميـره مدلجاتـي
ياوجودي وجــد مكسـور الجبـاره=آخـذ ٍ تسعيـن ليـلـه مايبـاتـي
أو وجود اللي خذا الحاكـم ديـاره=خـذ حلالـه والحريـم مسلّباتـي
عقب ماهو تاجر وراعـي أمـاره=صـار فـلاح ٍ وامـوره هيناتـي
أرتحل يـا فهيـد منبـوز الفقـاره=آركـي وحبـال كـوره كالفاتـي
آركي ومربّـع ٍ عشـب القـراره=ما علاه الشد من عشـر سنواتـي
ديرة ٍ ( ...* ) ما فيهـا صقـاره=غيـر شيبـان وعجـز محندباتـي
من خشوم ( ..*.) لي حد الزباره=جعل تمحـل والوشـوم مربعاتـي
صاحبـي بالوقـف مدهالـه وداره=ما سكن فـي ( ... *)والاّ (..*.)
ولعتني بالهـوى والزيـن سـاره=دلهتنـي عـن غناديـر البنـاتـي
يا حسايف بنت ذاك الجار سـاره=عند ابوها تـدّرجْ مثـل المهاتـي
ريق ساره مثل سكر في غضـاره=أو حليب ابكار عـرب مسمناتـي
والنهيد زبيدي ٍ فـي دعـب قـاره=في محير الماء القراح مصلّعاتـي
والثنايـا قحويـان فـي زبــاره=زاهي ٍ نبتـه علـى كـل النباتـي
راس ساره ذيل شقراً وسط غـاره=والجدايـل بالرشـوش مجدلاتـي
والمطوع لو يشوف خديـد سـاره=طبّق المصحف وعجّل بالصلاتـي
ما ذكر جار ٍ ذبح بالحـب جـــــاره=بالمبيسـم والثنـايـا المرهفـاتـي
حالف ما نسى ولا اسلى حب ساره=كود اهل شقرا يخلـون الصلاتـي
لايمي فاله حنيـش ٍ فـي مغـاره=سمّها يشظى العظـام الصالباتـي

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

* مابين الأقواس أسماء مدن لم أرغب في ذكرها.

مشكوووور علي القصيده الحلوووووه

المشاركة الأصلية كتبت بواسطة روحي تحبك

مشكوووور علي القصيده الحلوووووه

هلا فيك اخوي


سعدت بتواجدك

يسلمو يالمنسدح على القصيدة الرائعة

المشاركة الأصلية كتبت بواسطة عبدالعزيز السلطاني

يسلمو يالمنسدح على القصيدة الرائعة

يسلم غااااااااااااااااااليك


سعدت بتواجدك