|
وين معزبنا
سهى ونسى الشبه |
هلااا ابو نواف
ياخوي البيت عندك وبديرتك والا نسيت اجل ماخبرت الربع عندكم للجمعه والشبات وين المده ليه ماسلمت البيت وين المواضيع لللتعلوليه وين الربع للشبه نعيش جو الكويت ثلاثة ايام الظاهر محتاج جلسه نتعلل عليها لليله ونظهر بالشكل المعدل وكل فترة لها تعديل هذه تجربه ماجا الا اقتراح واحد من راعي الحرشا وهو توقيت والظاهر انه مصيب لاكن للتعلوليه وليس للشبه |
بشبلكم الجمعه الجايه الظهر حياكم الله
:beer: |
ونعم ابو ثامر
الله يستر لا انسى واجيك صحيح ابونواف الرحايل معقلات عند البيت ويش رايك تطوي البيت لبوثامر بالقيصومه ولابد يعلمنا وين يبني البيت وخبر اهل القيصومه والحفر وخصصون لليلة تعلوليه والمده أسبوع من جمعة لجمعه وعلى شبت ابو ثامر نقرر لاتنسون |
أبشر ابو يوسف
أبطوي البيت وبرسله لبو ثامر أظن إني كفيت ووفيت .. هع هع |
كيفوا
الجمعه الجايه رمضان شلون اشب لكم الظهر خلوها بالليل طيب وابشروا بالسحور |
كفو والله
ياربي إنشاءالله يكون السحور زي المنسف اللى أكلناه ياسلام ........... |
ابشر يابو نواف لعيونك بس تعال
|
قول وفعل ابو ثامر
إنشاءالله تحصلي فرصه |
وين معزبنا الزير اليوم
الظاهر ماخلص من بنيان بيت الشعر |
الا والله خلصت وبصوره لك
بس موعدنا مو الجمعه بروح اشب وامري الله |
الزير ناشب ’ يبني لكم مشب منصدق مشب وانا ماشفته بس على كثر ماتعب من ملاحقة العمال . وعندما اتصل عليه ويقول وين الدهان ماجاني وين الكهربائي . يحسبني المقاول . وبعد مايعرف صوتي يتراجع ويضحك . لا ابشر صار وجهه ابيض من الشمس, وانا خايف عليه من العين باسم الله عليه ومن حواليه. |
اقتباس:
هههههههههه الربع يبون اشب لهم ظهر الجمعه حياك الله معهم يعني درجة الحراره 50 وشابين خلقه :chef: قلت يمكن لا عزمتهم يقولون مانقدر نجيك ظهر الجمعه الناس رمضان واقول اسمي اللي عزمت والربع اعتذروا والحمدلله اذا ملزمين ع الجيه جيبوا واحد اصغر مني من شان يقهوي :holiday: |
عوذه عوذه هضولا ربعك ياراكد عز الله إنهم مهبل خخخخخخ هالحين أقدر أحوسهم بكلمتين و أستلم الشيخه منهم ..
|
هلااا ابو فايز
كفوا والله يابو نواف وجهة الزوامل قبله من الاطراف الى القيصومة عند ابو ثامر لنا اسبوع والجو هالحين بالقيصومه بالليل جميل اخي الغالي الراكد توقع البيت حوله رضم لاتخبط وتظيع الكلمتين اللي عندك على هونك الين هذي هي خخخخ |
اقتباس:
هع هع هع رضم ههههههه يبي يفلقه :death: حياكم الله وبياكم لكن لاتنسون تجيبون واحد يقهوي والله متعاجس ومانتم اجنااب :angel_innocent: |
يالربع بنيت البيت بين الحفر والقيصومه
وصلت له كهرباء وفطور الجمعه فيه أن شاء الله بس لا تنسون تجيبون واحد اصغر مني يقهوي ^ هذي اهم نقطه |
معزبنا متى السحور ؟
|
لاتبلش ابو ثامر
هالحين بوفيه مفتوح كل واحد يمر على الدلال وياخذ فنجاله معه ديمقراطيه لين مساء الجمعه ولها حلال000 ياكثر الكسل بس الصبه لاتهمك |
خلاص دامني ما اصب تعالوا الله محييكم
السحور الليله |
وين السحوور ترانا جعنا الله يجزاك خير
|
ياربي
والله نسيت ياعبدالرحمن , تسحرت وخليتكم الحمدلله انكم مانتم اجناب والا كان انفضحنا , باكر حياكم الله نعيده هع هع |
ردد ياليل ماأطولك هعهعهعه
|
ههههههههههه
لا والله بكره ان شاء الله مليحيه |
كفو والله ....
|
تدري عاد جت مناسبه
ابو شريف [ فارس هلال ] موجود بالقيصومه يعني فرصه ماتنعوض |
ياسلام
إذا حصلتلي فرصه أجي صورلنا المنسف |
ابشر بصوره وارسلك فرسن
فرسن = رجل الجمل هع هع , , |
الفرس يخثع من وزني هعهعهه
|
مالومك جوعان
ركز ياعبدالرحمن ماقلت فرس اقول فرسن فرسن = قدم الخروف هع هع هع |
أبو يوسف ترا معزبنا ماااش ههههههههه
ماشفنا لاقهوه ولا سحور ولا مر على المشب خله يجهز الزوامل نبي نوجهن يم المدينه المنوره عند ابو فايز |
ههههههههههه
وين مااش يابن الحلال انا شاب من يوم الخميس اللي راح واليوم الثلاثاء وما حد جاني اصب قهوه لمن ماحد عندي يارجل اشلتكم الحريم جيب وهات وتقولون على معزبكم ماااش ههههههههههههههههه يالله تبي اصبلك قهوه |
ابو نواف ان شاء الله بعد رمضان او ايام العيد
معزبنا لازم نغسله ونخسره بمشبه بالقيصومه وامام ربعنا ع شأن مايعودها انحاش عن البيت والبد بالمشب وقول زير الوعد قدام يابو ثامر الغسله مالك عنها ههههه جتك الزوامل يـــــابونواف 00 وجهبهن وجهة القبله عند ابو فايز يزين القاف 00 في سهلة(ن) خيرمن سهله على لحن مرعيه يابنت مرعيه |
موافق ع الغسله وخوذوني معكم لـ أبو فايز
وقل لـ أبو فايز يرد القاف ,,, بالخيزرانه على الشله ترى ابو يوسف وابو نواف ,,,, يبون على زيزو الزله زيزو = اسم الدلع للزير , |
تراني حرووووووووووش:secret: ليه وش بلاكم على زيزو علامكم يالربع هذي شبه ولا نشبه:dn3: خلاص عاد طفوها ولعوا غيرها الله يستر عليكم وأنا معكم :marsa117:خخخخخخ تراني أبي أصب عليها المي وخلي لها دخنه وبعدين أبي أفضخ عنكم ولمسكـتوني بذيك الساعه إذبوحني:65: الزير ماخطأ يومنكم تحاشمون عليه له أكثر من إسبوع يعزمكم على الشبه ولا تجونه وش تبونه يسويلكم يولع بشوشته أحسن يرضيكم:fire: أفا والله عليكم تراني خويكم مهو تحسبوني جايكم بس أبي أحرش عليكم وتقولون عني راعي تخريب:evil_2: لابالله مهي عندي السوالف هذي ..هع هع أنا والله مااااصيدي شي:hhh: بس أنا يوم شفتكم ترجدون بالزير قلت أبي أفزعله وعلمكم ترى صياحكم وصل لاااخر العرب :shock_1: وأبيكم تعقلون وتسود بينكم روابط الأخوه والمحبه وتراكم معزومين كلكم عندي على الفطور وتركوا عنكم راعي العزيمه تخربون عزيمته مثل ماسويتم مع الزير ..:ANSmile08: أوووووف نسيت ماصيدي خخخخخ ترى ما أرضى أحد منكم يتعذر ومن الحين أجهز لكم السفره :essen: بإنتظاركم:wavetowel: لاتأخرون وتجوني بعد الصلاة خخخخخخ |
كفو والله يالملثم
اثرك متابع الوضع والله صارلي اسبوع اصيح وماحد جاني يرسلنهم الحريم وعجاجتهم صفراء مع هالشوارع ويوم تفضوا قالوا معزبنا مقصر اوريك فيهم رايحين لـ أبو فايز وأبو فايز مايعطي على زيزو , |
ضيطت الزوامل وبكره توصل للمدينه
نبي ابو فايز يحطنا قريب من البقيع زيزو ماعاد نجيب الزوامل عندك |
مااااعليك ولايهمونك يالزيروأنا أخوك تقهو الله يحييك وشلونك وشلون اللي وراك عساكم بخير وترى أبو فايز كريم ومايقصر معك أبد بس هضولا تقهاهم يتركونك بحالك ماضنتي والله..؟ وش رايك وأنا أخوك نقفل شبتهم اللي مدري وشلون صايره أول مره أشوف شبه بس طايره من كثر الدوجه ضيعوا الزمل والمعاميل تلقى طشاشها بكل ديره خخخخخخ ونفتحلنا شبه أنا وأنت على قدنا ونجيبلها من الحطب ياما تغدي شبه قد الدنيا ونستقر هنيا ونفتك من قوله كل شوي راحلين ونازلين وأعزمك على كبسة ضبان ترى عادي إذا ماتشتهيها أعزمك على أرانب من اللي يحبها قلبك وسويلك مصالي على الصاج بعد وجلسك بصدر المجلس وخلي كل عيال العرب يخدموك أفا والله حنا كم عندنا مثل الزير تقهوا وأنا خوك |
,
كفو يالذيب مصالي صااج وارانب وناااسه اترك القهوه عنك حولك فيمتو , |
أبشربالفيمتو مع حزب الفيتو واللي مثل خابر بالرمضانيات الناس تشرب الفيمتو بشراااهه ياما خلصوووه بس أبشر باللي يبيض وجهك ولايهمك أبي أرسلك حدا الورعان ويجيبونه من الدكان والمصيبه لخلص من السوق وش الدبره..؟؟؟ |
| الساعة الآن 08:23 AM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
diamond