قصيده خطيره

قصيدة خطيرة




سبحان من يرزق بتوع الملاييـن***
الرازق اللي ما يخيب الرجـا بـه

لي عم عنده معـرضٍ للصواليـن ***
أموت واعرف بس من وين جابـه

وإذا سألته قـال بعـت الدكاكيـن***
ما يدري إني ما هضمت الإجابـة

الشاهد إني رحت له قبـل يوميـن***
في قصره العامـر ودقيـت بابـه

قال أرحب أرحب عدّد ورد البساتين***
يا مرحبا باللـي لفـا يـا هلا بـه

قلت البقا عـدّ النفـل والرياحيـن ***
يا شيخ شمل أهل الكرم والذرابـه

قال اسلم الله يحفظك لي من العين***
وآمر أوامر حضرتـك مستجابـة

قلت الصراحة طالبٍ قرب غاليـن***
ودي تزوجنـي كريمتـك يـابـه

ثنّى وقال أهليـن والله وسهليـن***
والكون ترخص لجل عينك رقابـه

لكن ترا عندي شـروط وقوانيـن***
قلت اشرط اشرط يا حبيب الغلابـة

قال أولاً مهر العروسـة ثمانيـن***
غير الرسوم وغير حق العصابـة

والثانية عمك يبي منـك سبعيـن***
رسم الأبـوّة والنسـب والقرابـة

وأم العروسة حقها منـك ستيـن***
عشانها ست الحسـن والمهابـة

وإخوانها كلن يبي منـك خمسيـن***
عداً ونقـداً تنـدرج فـي حسابـه

وخواتها الخمس عطهن من ثلاثين***
عشان تتوثـق عـروق النسابـة

وتجيب طقم عيار واحد وعشرين***
وخاتم من الماس المصفى ترابـه

وأكياس متروسة كعوب وفساتيـن***
ألوانهـا وأشكالهـا مـا تشابـه

وموتر بسواقـه وفيـلا بدوريـن***
أثاثهـا مـن بطرتـه ينحكـى بـه

واحجز لنا قاعة بقصر السلاطيـن***
واحجز بهـا رقاصتيـن وربابـه

هذي الشروط اللي على بالي الحين***
وذكرني اللي ما حسبنـا حسابـه

قلت اذكر الله يا عـدو المساكيـن***
واستغفـره لا يبتلـيـك بعـذابـه

الظاهر إنك منت عارف أنا ميـن ***
أنا لو أرقى فـوق متـن السحابـه

ما جبت حتى نص درزن مواعيـن***
واضحك بكيفك واعتبرهـا دعابـة

شروطكم هذي شـروط المجانيـن***
شروطكم شغـل ابتـزاز ونهابـه

شروطكم تقصم ظهـور البعاريـن***
شروطكـم همّـن وغـم وكآبـه

شروطكم والله سيوف وسكاكيـن***
تذبح بنات المجتمع مـع شبابـه

وين الرضا والعطف واليسر والليـن***
اللي ذكرهـا الله بمحكـم كتابـه

وين الصفات اللي أمرنا بها الديـن **
وين اختفى نهج النبي والصحابـة

يا عم جعل اللي خلقنا من الطيـن**
يرد عقلك مـن خطـاه لصوابـه

ويجعل نصيبي عند غيرك قل آمين**
ويحسن عزا الصابر ويجزل ثوابه

قال أنت لو فكرت تفكير صاحيـن***
ما شفت في مجمل شروطي غرابه

حنا بعصـر العولمـة والمزاييـن ***
ماهوب عصر الفلسفة والخطابـة

الناس تسعى للرتـب والنياشيـن***
وأنت اهتمامك بالشعـر والكتابـة

والشعر ما ينفعك لو هو دواويـن***
ما دام جيبك مثـل بيـت الخرابـة

يا بوك لا تسمع كلام المصاخيـن***
واسأل مجرب عاش في وسط غابه

قلت الله أكبر يا محـرر فلسطيـن ***
من يسمعك يحسبك ذيـب الذيابـه

تراك شايب رأس مالـك رياليـن ***
والبنت ما تسوى جنـاح الذبابـة

منقول

...وســـــــلامتـــــكم...

يعجبني كثيرًا الشعر الهادف

والذي ينقل مايسود في المجتمع

,

وين الصفات اللي أمرنا بها الديـن **
وين اختفى نهج النبي والصحابـة

,
نونو
قصيدة رائـــــــعه ..

صح لسان قايلها .. وسلمت انامل ناقلها

لازلنا في انتظار
جديدك المميز

ملحوظة :
((المصيبة إن الشاعر انحرم مرتين مرة من بنت التاجر لفقره والثانية أنه انحرم من ان
يصبح غنيا من هذه القصيدة الرائعة ..تدري ليه ؟؟
لأنه لم يوثق قصيدته التي سرقها المغني المشهور علي بن محمد وكسب من وراها الملايين ..!
الفنان علي بن محمد خطفها من النت وصاحبنا .. يا غافلين لنا الله .. بس بعد صحوة ضمير علي بن محمد
رجع يدور شاعر هذه القصيدة الجميلة ليشكره على الملايين التي دخلت مخباه من تغنيه بها...!))

:Islam_s_123:

المشاركة الأصلية كتبت بواسطة Alclashi

يعجبني كثيرًا الشعر الهادف

والذي ينقل مايسود في المجتمع

,

,
نونو
قصيدة رائـــــــعه ..

صح لسان قايلها .. وسلمت انامل ناقلها

لازلنا في انتظار
جديدك المميز

ملحوظة :
((المصيبة إن الشاعر انحرم مرتين مرة من بنت التاجر لفقره والثانية أنه انحرم من ان
يصبح غنيا من هذه القصيدة الرائعة ..تدري ليه ؟؟
لأنه لم يوثق قصيدته التي سرقها المغني المشهور علي بن محمد وكسب من وراها الملايين ..!
الفنان علي بن محمد خطفها من النت وصاحبنا .. يا غافلين لنا الله .. بس بعد صحوة ضمير علي بن محمد

رجع يدور شاعر هذه القصيدة الجميلة ليشكره على الملايين التي دخلت مخباه من تغنيه بها...!

))

يعطيك العافيه

قصيده أكثر من رائعه
يعطيك العافيه

المشاركة الأصلية كتبت بواسطة الراكد

قصيده أكثر من رائعه
يعطيك العافيه

الله يعافيك

قصيدة رائعة وتحكي واقع بعض المجتمعات
صح لسانك نونو واختيارك
وبانتظار جديدك
مودتي .

المشاركة الأصلية كتبت بواسطة دنـدنـة الرحـيل

قصيدة رائعة وتحكي واقع بعض المجتمعات
صح لسانك نونو واختيارك
وبانتظار جديدك
مودتي .

يســـــــــــــــــلمو اختي دندنه للمرورك

قصيدة في قمة الرووووعة

يعطيك العافية يا نونو على النقل الرائع

الاروع مرورك اخوي

يعطيك العافيه
قصيده رائعه