قصيده للوالدي المتوفي

مرت خمس سنين يابوي من وقت فرقاك
وقلبي الى هاليوم شمسه عتيمه
مرت خمس سنين فرقا وحسك وطرياك
متوسد باوراق حزني القديمه
مرت خمس وانا اتخضب بذكراك
بدموعي اللي في عيوني مقيمه
من عجلت في رحله الموت ممشاك
وانا حياتي ما لها اي قيمه
البارحه في غفله الليل اطراك
قلبي ونادت آهتين فصيمه
ومرت بعيني صورة ايام دنياك
واوقات كانت في حياتي عظيمه
ياما عطيت الناس من خير مااعطاك
ويا ما مسحت دموع ثكلي كليمه
وياما يمينك سابقت خير يسراك
حتى يدينك شبهوها بغيمه
يابوي بنتك دربها صار اشواك
ومعاد تمطر فارضها اي ديمه
واللي خبرته يحسب حساب يمناك
واشد ظهري فيه عند العزيمه
ما مداك بس تموت يابوي ممداك
الا وجا يهدي لعمري الهزيمه
وما بين غبنه ذاك وجروح هذاك
وفراق كلي منه روحي سقيمه
وهذا انا يابوي من بعد فرقاك
تذكار كنت وصار اسمي يتيمه


الله يرحمه ويرحم جميع أموات المسلمين


دمتم بخير

الله يرحمه و صح لسانكـ بهذه القصيدة المعبرة .

يعطيك العافيه على مرورك

رحمه الله رحمه واسعه

من الصعب قرأت الحروف الحزينه
خصوصا لمن نفتقد بذهاب دون عوده
أحسست بصراخ شديد في تلك الحروف

اعانكِ الله وعوضكم بخير

رحم الله فقيدكم

الله يرحمه وصح لسانك

امين يارب
يسلمو على مروركم

رحمة الله عليه وأسكنه فسيح جنّااته..

شكرا لك وجعل اياامك كلها فرح وسروووووووور..

وهذا انا يابوي من بعد فرقاك
تذكار كنت وصار اسمي يتيمه



رحم الله فقيدكم وأموات المسلمين
نونو: وبشر الصابرين .
ودي

دمتم بحفظ الرحمن
يعطيكم العافيه على مروركم

إختيـــــــآر رآئـــــــع .. ومـمــيـز

صح الله لسسانك .. واعتلى ششانك

وزان منقولك .. وحضورك الجميل .. مبدعه بـ معنى الكلمه

.. بـ انتظار جديدك .. !!

تقبلي مروري