كشته برية 100 % والبعد عن ضغوط العمل

السلام عليكم ورحمة الله وبركاته : صباح / مساء الخير لكل الأعضاء والزوار هذي طلعة للبعد عن أجواء المدن وضغوط العمل واللي كنا بحاجه لها مع شباب شقرديه شرواكم وتميزة هالطلعة من جو حلو الى أحلى وطبختين على الكيف ريش مع البطاطس بقدر الضغط بدون ماء + رز نثري بقدر الفخار وصراحه هي من أشهى الطبخات وأحبها لي ونبدأ بسم الله بتجهيز القهوة والشاي وشبة النار تقطيع البصل وأغراض السلطه والبطاطم رش البهارات والملح على الريش من الجهتين صف البطاطس بقدر الضغط رش ملح وبهار على البطاطس صف الريش فوق البطاطس بشكل دائري وبقدر الامكان عدم ملامسة اللحم لأطراف القدر حياكم الله عدنا من جديد كتم اللحم بالقدر لمده بين 20 الى 25 دقيقة بعد دوران البلف تجهيز الرز : وضع بعض الشحم المقطع الى قطع صغيره وتحريكها على النار يتبع:thumb_yello:

تقليب البصل مع الشحم

وضع الطماطم وتقليبه حتى تتجانس وضع الرز وصبيت عليه ماء ( بارد ) بكيفي تغطية الرز بقصدير على نار هادئة لمدة بين 15 الى 20 دقيقة طلعنا حبتين بطاطس للتصبيره وكان الطعم خيالي شكل البطاطس بالقدر ( لا تخافون من الزيت ) من أسرار الطبخه ان البطاطس مايمتص الزيت من الداخل بس يكون من الخارج وبشكل بسيط ولما تجرب تعرف أكثر قلنا نشوح الريش على الجمر ( تقمير ) حتى يكسب طعم أحلى ولما شلت القصدير من على القدر الفخاري لقيت الرز يويق علي ( يعني ينظر باستغراب ) وقال وش تبي قلت أبيك يا نثري قال حياك أنا خلصت ماعاد أبي نار البطاطس والسلطة منظر عام لمجموعة الطبخة وكاسة شاي على الطاير السفرة جاهزه يلا يا شباب صورة قريبة وصورة أقرب وأحلى سموا الله يحييكم على قل الكلافه وفي النهاية أرجو أن تكون هالطبخة نالت أستحسانكم ورضاكم وأعتذر عن الاطاله وكما عوتوني بصوت وااااحد ( لايهزك ريييييييييييييييييييح )

الله الله على الطبخة والكشتات شوقتينا ..
يعطيك العافيه يالغلا..

المشاركة الأصلية كتبت بواسطة نونو

الله الله على الطبخة والكشتات شوقتينا ..
يعطيك العافيه يالغلا..

من جد اشتقنا للبر وطلعته وتسلمين على المرور حبيبتي

وربي شهيتينا بالاكل وشوقتينا لطلعة البر والجمعه والوناسه


لاخلا ولاعدم يالغلا

حياك حبيبتي ولع اي والله صدقتي يا حلو البر : )

هذا حنا يالرجال لطلعنا للبر نسوي كبسات تكتيكيه من غير فزعة الحرييييم.. :lol:

تقولين مثلا ..
أنا لطلعت أسوي حركات في البصل أدحسها في الجمر
قولي يعني من غير مايجيها مويه أو زيت..:brows:

يعني بالأخير تطلع البصله متشققه دون ريحه هذا في شكلها النهائي ..:marsa117:
أما لو أجيب لكم صووره البصله..سبحان الله تقل مو بصله..:dan1:

يا خساااااره

جا الشتا وراح_وحنا ماطلعنا الطلعه اللي من جد ينقال لها طلعه بر




يسلموووو فلسفة

المشاركة الأصلية كتبت بواسطة سلطانية غير

ث
يا خساااااره

جا الشتا وراح_وحنا ماطلعنا الطلعه اللي من جد ينقال لها طلعه بر




يسلموووو فلسفة

ولا أنا بعد الحين توهم يتذكرون البر بالحر قلت والله ما أطبه أخاف من الزواحف بالليل :17:
يسلمو حبيبتي ع المرور

المشاركة الأصلية كتبت بواسطة الراكد

هذا حنا يالرجال لطلعنا للبر نسوي كبسات تكتيكيه من غير فزعة الحرييييم.. :lol:

تقولين مثلا ..
أنا لطلعت أسوي حركات في البصل أدحسها في الجمر
قولي يعني من غير مايجيها مويه أو زيت..:brows:

يعني بالأخير تطلع البصله متشققه دون ريحه هذا في شكلها النهائي ..:marsa117:
أما لو أجيب لكم صووره البصله..سبحان الله تقل مو بصله..:dan1:

حياك يالراكد والله مشاء الله عليك بس لازم نشوف هالبصله سبحان الله :kklol: