طبعي ارد الإساءه {بالاحسان }

من طبعي ارد الإساءه {بالاحسان }

وأساير ظروف الزمان اللعينه ..





وطنش الغلطه من { أفلان .. وفلان }
يعني من أجل { عين } تكرم مدينه ..





الكامل الله والخطا طبع { الانسان }
والدرب يفرق عن يساره ويمينه ..





و { الصاحب } ا للي له معزه وله شان
ان جاني بشينه .. تذكرت زينه ..





اتحمل اخطاءه معي { قدر الأمكان}
من جانبي تبقى العلاقه متينه ..





واللي { يغلطني } وانا ماني بغلطان
اصابعي احطها { وسط عينه} ..





مادامني مسلم وفي قلبي إيمان
عمر{البحر } ماشال هم السفينه ..





مرت علي {انواع .. واشكال .. وألوان}
بين { العقول } الناقصه .. والرزينه





عندي قناعه ان { الإنسان شيطان }
اذا يهينك { لازم } انك تهينه ..





يعني اذا حاجتك { بيدين عدوان }
يكفيك شر المهزله .. والغبينه ..





من{ كثر ماجاني } من الناس خذلان
تحرجني حتى كلمة { الله يعينه }





صحيح لي { ربع .. وجماعه .. وخلان }
وأضيق لكن حاجة الناس.. شينه





الشخص دام انه بكل شي{ خسران}
تأكد انهآ من عمايل { يدينه } ..





من مرحلة { حب .. ومشاعر .. وحرمان }
إن مالعنت الحب تلعنه سنينه ..





اكتب شعر واعزف من { اشواقي الحآن }
واسلي قلوب الغرام الحزينه ..





ولو الشعر مخلوق في { هيئة انسان }
والله لأقول له تسلم { واقبل جبينه }...~

منقول

رووووعه

الله يعطيك العافة

شكرا لكــ أخي خيرا نقلت

و { الصاحب } ا للي له معزه وله شان
ان جاني بشينه .. تذكرت زينه ..

ابيات روعه وتنطق بالحكمه
يعطيك العافيه وتقبل مروري

مادامني مسلم وفي قلبي إيمان
عمر{البحر } ماشال هم السفينه ..

ابيات جميله وعطيك العافيه اخي

كل الورووووود,والعووود. والنّد المعطّر بالمسك لك..

كتبت فابدعت

شكرا بو محمد

شــكرا جـزيلا