[ لقاء ] المستشار : فارس هلال السلطاني

ياعزيزي سالفة القرد ,انا كنت عضو بوفد رسمي عسكري بزيارة الصين وكان مضيفنا قائد الخدمات الطبيه بالقوات المسلحه الصينيه . دعينا الى عشاء رسمي بنادي الضباط وكنا اربعه وانا المدني الوحيد بالوفد. طول فترة العشاء وانا اسمع خربشه تحت طاوله جانبيه عليها ماعون فضي بشكل قبه وتكررت الخربشه ولاندري وشي وبعد العشاء مباشرة اشار الضابط الصيني الى واحد شيف بطربوش طويله وجا الاخ ومعه فاس في يده كشف الغطا الفضي واذ تحته قرد ولا مبين الا راسه ,ضرب قمة راس القرد بالفاس والقرد لازال حي وقام يغرف مخ القرد ويحطه بصحون صغيره ويوزعه علينا طبعا الضباط انتدبوني للاعتذار وقمت وقلت انه لاسباب دينيه بحته نمتنع عن اكل مخ القرد وطبعا ما قلت لهم الله ياخذهم هم وياخذ عشاهم . ماودي اقول لك عن حالتنا يوم وصلنا الفندق ونزلنا من السيارة الرسميه وش سوينا عقبها........ تنذكر ولا تنعاد